第二次去是 2006 年 ,當時去了 名古屋、京都(清水寺)、 嵐山(睇紅葉)、大阪(環球影城)、和歌山
這兩次雖然到過大阪,但只去過心齋橋及環球影城,所以今次決定來一次大阪京都 6 天,玩盡大阪,當然會去埋京都玩喇!
Wing on package(for 2 persons): $6560 ($3280 per person x2 -Basic 3日2夜套票) + $2100 (停留住宿房間 多 3 晚) + $1790($895 per person x2- 燃油附加及稅項) +$200 ($100 per person X2-改零晨機航班附加費) = $10650 (2 person)
Yen (香港唱 rate 0.101--> ¥1000=HK$101)
第一天 2011年 10月 16 日 (Sunday) 天晴温暖
是日乘 CX 566 (零晨1:15機) 往關西機場,大舊又去旅行了,好幸福的貓
3個半小時機程,6:30am 出閘,第三次到這機場,沒有什麼大改變!
大舊好興奮
本來 planning同大部份港人一樣 搭南海急行列車(機鐵)出大阪,後來發覺搭機場巴士更方便,不用自己搬行李....
巴士站有好清楚指示邊條線去邊度,我地的酒店在大阪的心齋橋,咁搭 route A 往 難波 OCAT 總站就對了!
留意: なんぱ = 難波 = Namba
巴士站就正正在機場門口,反而搭 JR or 南海急行列車要過對面大樓,咁巴士方便D
Airport Limousine Bus -約每小時兩班車,我地搭上午 7:15 班次
詳細請查 : http://www.kate.co.jp.kate.co.jp/pc/h_time_table/h_ocat_tt.html
阿四買票.... 往難波( なんぱ ) OCAT 只是 ¥1000單程,若買(往復)兩程更便宜¥200。車費比乘搭最便宜南海急行只是貴了一百¥。
車程約 50分鐘,跟大部份機場列車時間相若!
「English」鍵就在觸控面板右上角
睇指示在11 號車站等車-- Namba (OCAT)
準時 7:15am 開車,可能時間早,全車得我地兩個 + 一位日本人,得 3 位 乘客,包車咁濟,舒服!
車頭有指示牌往 なんぱ <--> 關西空港 就啱了!
約8:05am 到達大阪 難波站 OCAT
日本地方大,道路四通八達,好彩每個路口都有地圖指示,真是user friendly,值得一讚!
其實由 難波站 OCAT 向右直行,至 近鐵車站大樓 轉彎過馬路,再一路直行就到心齋橋,全程行約 15 分鐘,當然你可以中途見到地鐵難波站,唔想行可搭一個站往心齋橋, 但日本地鐵搭一個站也要¥230喎!慳番慢慢行好過
沿途見到難波地標-- namba hips,是一棟室內機動遊戲的大樓,你地估吓大厦外牆個8 字型設計係乜?
Answer is 跳樓機,真係估佢唔到!!
知道附近有間道頓堀酒店(Dotontori Hotel),順便走入去買大阪週遊 pass (週遊 pass 在機場 及 某部份酒店有售)
買了一張 2 day pass + 1 張 1 day pass ,有乜用?是可以用作任搭大阪市內地鐵及市巴士,還有好多在大阪市的景點,用 pass 就包埋入場費,如果有一至兩天會留在大阪玩的話,此 pass 一定要買,幫你慳唔少!
one day pass ¥2000 (包埋任搭市營及私營地下鐵、 new tram 及 公車,並不包往返機場的列車 or 公車)
two day pass ¥2700 (包埋連續兩日任搭市營地下鐵、 new tram 及 公車,但不包私營地鐵,不包往返機場的列車 or 公車)
記得要出示 護照才能買 大阪週遊 pass
詳細請查 : http://www.pia-kansai.ne.jp/osp/cn/
乘車咭
優惠券(大部份大阪景點入場券),買 pass 有埋本中文指南,裏面有哂地圖及地鐵路線,仲有pass 包入場景點的乘車資料等,相當有用,唔識日文也不怕
再向前行一陣便到了我地 book 的 酒店, Hearton hotel shinsaibashi (地鐵心齋橋駅 Exit C7 行 3 分鐘)
時間尚早,未到check in time,我們先放低行李,再前往千日前道具筋商店街行街
商店街近地鐵日本橋站,不過由心齋橋行過去也不遠。今天打算行心齋橋、道頓堀 + 日本橋 行街 shopping ,這幾處就像油尖旺連在一起,慢慢行一天也逛不哂!
今天唔駛用 pass,因為唔會搭車了!
見到這個招牌就是道具筋商店街入口了
應該是批發一般食肆食器用具,有D似油麻地近廟街果條街買食肆用的爐具店
黑板批發
日式食肆爐具
各式各樣的招財貓及神像
其實這些店鋪除了做批發,零售也可,價錢比起出面買平D!
連燒餅枱也有得買
喜歡日式碗筷食具這裏入貨最啱!
這是"中" 日式年糕的用具,第一次見實物
好想買這些土瓶蒸(暖酒用), kawaii,又平,不過驚打爛同埋我唔飲酒,冇用。
見到有甜品 似串燒三兄弟,¥150 串!
原來是鹹食,上面D汁是醬油,包住D糯米丸子,但又出奇地好好味!
這間店轉做一比一食物模型,像真度高!
有食物匙扣買,好得意!
買了這章魚燒,好似呀!用蠟人手做,¥780
買了筷子做手信 ¥1000
行完道具街向前行見到這廟宇,有冇留意果廟宇簷蓬係插入隔離大厦-->廟宇插入屋,奇景!
再行落D就見到成條街有多玩具店舖,呢間轉營二手玩具買賣。
裏面有好多食玩買, disney figures 都好多,re-ment 都有散件,但大部份都是近期 re-ment ,舊果D re-ment 散件好多炒到仲貴過HK
這些找到是我還欠缺的舊款, price 由 HK$25- HK$50 不等,呢批較平了!
盒裝執到筍嘢--re-ment BB (得番一套full box only HK$280), 家電棚 (HK$ 120), 洋服架 (HK$ 80)
這批 貓造型電話繩¥1000 (HK$100) 全 5 種 ,新出造型相當抵死!(係關西電視台熱播卡通 くるねこ 小路造型電話繩)
total ¥10190
再行咗陣小型相機店舖,貴過HK,冇收獲
下午兩點,我地折返酒店 check in 梳洗休息,零晨機都較疲累的!
呢幾日就住呢間房了
日本酒店通常都好細,不過是乾淨及五臟俱全!
第一天待續........................