日本京都大阪2011: 京都大阪自由行-- Day Four 大阪-- 大阪歷史博物館，天守閣，NHK，Tombori 遊船

旅遊blog停咗成星期有多，拿拿淋寫埋呢三日大阪行程先...

第四日-- 10月19日(Wednesday) 天晴温暖

今天繼續用pass 玩。 9:45am 先至吃早餐，登登！便利店買的，唔好睇少，日本便利店D食物都好好味！

今天往大阪城附近一帶遊覽，那裏有博物館、天守閣、NHK電視台等，足夠你玩一整天！

10:30am 出發，由心齋橋站先搭地鐵御堂筋線去到「本町站」

再轉乘中央線去到「谷町四丁目」站下車

9 號出口直達大阪歷史博物館

出地鐵便見這兩棟大厦，左面是歷史博物館，右面是 NHK 大阪電視台

附近這個是古墳時代中期的倉庫複製品

大阪歷史博物館--9:30am - 5:00pm (FRIDAY 至 8:00PM),逢星期二休息

入場費本要￥600，我地有pass 可以免費入場，免費睇10/F - 7/F的常展區

從地下乘電梯先上10/F, 到達「古代展廳」--難波宮的年代

館內大部份展物有中英文解釋，夠 user friendly

矗立着1比1 奈良時代的「難波宮太極殿」模型

9/F--「中近世紀展廳」--天下商業中心的時代，大阪本願寺的時代

呢層有好多 1:20 的小模型看啊！影好多相啊！

從觀賞模型可看到昔日難波人日常生活情景。

D模型好多、精緻，像真度極高，日本人砌模型真是一絲不茍，連阿四都覺得好正！

大阪本願寺的時代

天下商業中心的時代

呢隻唔知係乜傢伙？响館內周圍都見到。

8/F-- 「發掘歷史的特集展廳」，呢層主要學習考古研究，唔識睇日文最好唔玩，冇乜特別，可以 skip

用玩具砌成的孔龍

7/F-- 「近現代展廳」--大大阪的時代

呢度玩 1:1 場景，再現了從大正末期至昭和初期的心齋橋，道頓堀等街角的熱鬧景象

昭和時代梅田火車站模型

呢個博物館頗值得一去，esp. 模型及一比一場景做得好靚，打算去「大阪城天守閣」最好順便參觀埋。

玩完博物館成一點半，博物館G/F 有一兩間食肆，不過好貴。決定行去對面「大阪城」揾食。
「大阪城」外圍冇食肆，一定要入去「大阪城」裏面的公園才有小食亭。

博物館對面是「大阪城」，超靚！

呢度就係「大阪城」正門

正門出入口叫「大手門」

跟住見到叫「大手口木升形」

德村幕府當時已用原石起城門，好大塊喎！

我地經過「西之園庭園」，據說這裏兩旁種子三百棵櫻花樹，係賞櫻及紅葉的地方。可惜10月中櫻花沒有，紅葉也未出現，冇嘢睇。

發現呢度欄杆凹位，放部相機呢度會影到「天守閣」全景

如果有櫻花 or 紅葉陪襯一定好靚。

靚到好假咁，乜古蹟可以咁新淨嘅？

肚餓，真係要食嘢先。路經大阪城公園，見到有小吃亭了，有拉麵炒麵等小食

唔平，一盒炒麵要￥500，唔包飲品。咁又駛咗 hk$100喇！

雖然買相麻麻，但出奇地D麵炒得好香喎！

小食亭隔離便是「豐國神社」，阿四趁等食走去影相。

豐神秀吉像

神社是豐神秀吉死後，被封「豐國大明神」，初在京都起此神社來祭祀，後遷至大阪城公園

2:45pm 參觀「天守閣」，原來今年是「天守閣」復興80年。
話時話真正的天守閣原來在 1665年在一次大火中燒毀，响 1931年重建，咁現在的「天守閣」只是複製品囉！唔怪得之咁新淨，好似啱啱起完冇耐。

近距離的「天守閣」

「天守閣」裏面有展示館，約 8 層高，平時要￥600入場，用 pass 免費。館收5:00pm呢層係講豐神秀吉一生，唔識睇日文，冇興趣睇。

其實天守閣裏面每一層只是一個很簡單的展覽館，冇乜好睇！

2/F 展示現代天守閣所使用的獸頭瓦及伏虎等一比一複製品。

上到頂層是展望臺，呢度有風景睇。

環迴360度欣賞大阪市

話就話冇乜嘢睇，都响裏面hea咗兩粒鐘，(其中哂咗D時間瞌眼瞓休息一陣)
4:30pm 開始日落，趕快响門口影多兩張相

門前有兩棵紅葉，阿四嘗試影---＞「黃昏紅葉下的天守閣」
嘩，唔錯播！

旁邊呢憧前身是「大阪歷史博物館」原址，現荒廢了。

「銀明水井戶」

5:00pm 返回今早去過的大阪歷史博物館，旁邊就是 NHK 電視台。

經過大樓地下可以隔住玻璃睇直播節目，不過太多人圍住。走上去 9/F參觀。

全大厦唯一一層開放參觀

很細的展區，很快便參觀完

拍緊大河劇「江」

都好多有名明星演出

可以透過玻璃望落下面的廠景，可惜今日冇錄影，冇明星睇呀！

原來福山雅治之前套「龍馬傳」就是在這電視台拍攝。

地下有間 BK Plaza shop，售賣 NHK 相關紀念品。

不過大部份都係售賣 domo 君相關的文具紀念品。

好大隻 Domo 君

其實NHK 可以不行，只有9/F 少少地方參觀。

6:00pm 返到道頓堀，dinner time? No no,夜晚仲有節目，玩 tombori river cruise(水上觀光船)，夜遊道頓堀

上船地點就係呢間「激安之殿堂」正門門口，好易揾。

乘船資料，注意有 pass又係免費！今日所有景點用 pass 是免費入場，好抵！

航行路線(約 20 分鐘)，船會經過九座橋的橋底，嘩！一條河流有咁多橋，唔怪得之呢度總稱叫心齋橋喇！

日本人好識搞氣氛，居然有 band 在船上奏 Jazz

一邊聽 Jazz，一邊睇兩岸夜景，好有feel，好浪漫。強烈推介玩這個，esp. 夜遊船

玩完船才晚上 7:00pm, 仲有時間 shopping，阿四仲係念念不忘D 巨蜂提子，走咗去大丸百貨超市買.....晚上特價，咁大粒的巨蜂提子￥1000兩大抽。算抵， HK city super見過要成 HK$200以上。

跟住把今天的戰利品放回酒店，再出發去酒店後面間 UNIQUE shopping。心齋橋間 unique
有成 4 層，貨品種類、款色及顏色比 HK 多好多，but price 同 HK 差不多 or 更貴，所以只買了件外套，本來想買長靴 (yes ar! 日本unique店有鞋買的，仲幾平)，可惜好多已斷碼，激死！

shopping 完都接近 9 點，dinner time 喇！緊係行回去「道頓堀」條街揾食。
見到呢個公仔，一定要同佢影相，他是難波區食街道頓堀的地標「くいだおれ太郎」(曾有人譯為「食倒太郎」)。其實他一直是街上其中一棟餐廳的代言人，不過2008年因經濟問題結業，「食倒大郎」亦被收起。而2009年的7月19日，太郎的餐廳得到重新注資，而再次開幕。