今天離開大阪出發往京都，因為京都行程緊密本打算 零晨 6:30am起程，但昨天又零晨機又行咗好多路，超累，結果成 8:00am至起程！算喇，行得幾多得幾多！
Route: 由地鐵心齋橋站出發--->新大阪站--->轉搭 JR 往京都車站---> 轉搭市巴士往清水寺
買票先搭車到新大阪站(地鐵御堂筋線)，記得先插入紙幣，才揀選地點！
日本鐵路出名夠亂，唔清楚邊條線打邊條，唔緊要，買票機頭頂有清楚線路圖
記住抬頭望跟指示行去御堂筋線，往千里中央方向果條線就啱了！
搭到地鐵新大阪站落車，跟住再跟指示好快行到 JR 新大阪車站，因為要轉車搭新幹線JR京都線去京都。
恰巧經過買JR 車票 counter，買了兩張車票(￥540去京都車站)
無論搭快速 or 普通都係 ￥540，我地搭咗 8:58am 新快速，半小時便到京都，比普通快15分鐘。
全車自由席(任坐)
我地爭取時間，又想試日本出名的車站便當，經過關西車站便當店「淡路屋」買了一份炸豬扒三文治做早餐
仲有 no.1 人氣便當-->章魚飯便當，￥980，外面的盒子也很可愛！寫著「明石名物」（明石的章魚很有名喔),
記得Re-ment 都出過這款便當模型，呵呵，又想起re-ment。 第一次在火車上吃便當，有風味。 响HK就唔得了。
裡面有章魚還有蛋，這個章魚飯便當是我們最推薦的，入味又好吃！
早餐咁就花咗￥1200，未試過吃咁貴早餐。食完果瓶可以留番紀念啊！
9:30am 到達「京都車站」
車站好大好宏偉，為日本建築設計師原廣司傑作
望過對面是京都地標--「京都塔」，好出名，頂層是觀光塔！
除了本身是車站，這大樓集飲食，商場及展覽場地於一身。地庫仲有間好大的「伊勢丹」添！
可惜冇時間逛逛這車站，留待下次吧，京都太多好地方去！
車站門口已經有多條巴士線前往京都週邊觀光景點，好方便。
#206, #207 經「清水寺」，記得預散銀上車
架車經「京都博物館」，又好想參觀，又係下次先，no time 呀～（今天 monday 休息，好彩冇plan去唔係摸門釘)
在五條坂站下車，下車點就係呢度，有間古陶磁器
過馬路，見到有間「牛若家」，店旁有指示牌指示往「清水寺」方向
or 學大舊跟住D靚女行，「清水寺」日日都有好多人參觀，跟大隊行就得喇！
花咗成粒鐘至行到「清水寺」，唔係條路長，係兩旁都有店鋪，花咗時間睇嘢同 shopping，其實唔shopping ，直行 5 minutes 就到。
大舊扭計，要吃京都出名宇治茶甜品，响寺院週圍有多間買宇治甜品店，
到喇！早幾年來時遇上落雨，今次天氣超好，行運了。
門口呢部份係免費參觀
裏面靚到唔知點形容，你地自己睇相喇！
呢度係「本堂舞台」入口，要比￥300 參拜料
今天閒日，已少了遊客，上次碰上假日逼死人呢！
入廟拜神，呢度有好多神拜
從另一面影去的「清水寺大舞台」
休息吓先，吃了之前在清水寺附近「五條橋」買的抹茶大豆￥
超好味，好濃郁抹茶味，花生脆卜卜，層綠茶粉好厚啊！推介
本堂舞台另一面，係拜姻緣的神社-->京都「地主神社」
傳說神社建於 701年，樓下幅相左面果銅像係掌管姻緣的大國主命，俗稱京都最古月老。據神話故事隔離隻白兔銅像係大國主命從鳥取縣拯救返來，因此報恩跟隨左右
神社裏除有求姻緣，仲有幸福、昱運、藝事、除厄等多個小神社，要拜乜有乜，悉隨專便！
第二天待續.....跟住去「二寧坂」、「八坂神社」等..........
沒有留言:
張貼留言