日本京都大阪2011: 京都大阪自由行-- Day Six (last day) 大阪-- 黑門市場，蟹道樂，心齋橋 shopping

第六日-- 10月21日(Friday) 天陰
來到最尾一日，天文台預報明天下雨，我地好好彩，連續幾日都係秋高氣爽。唔知點解上次帶大舊去高雄又係天氣好，出猛太陽，今次又係，唔通隻貓識法力？

Last 一天只有半日，因為我地要搭下午 6:00pm 機返 HK，好唔捨得，日本實在好玩！

今早 8:45pm 去咗「黑門市場」食魚生做早餐，位於地鐵「日本橋站」附近(日本橋站 Exit 10)，不過我地冇搭地鐵，因為從酒店行去只要 15 mins 左右，早起行去當做運動。我唔識路 ga，係阿四帶路，佢响酒店睇完本地圖就已經識行，好犀利。

黑門市場有「大阪築地」之稱，好出名，好多餐廳都會在黑門入貨，呢度批發魚生海鮮，仲係主婦買餸好地方，因為真係好平，D蔬菜生果有D買得平過HK街市。

日本的市場乾淨整齊，裏面更有幾間壽司店，不過咁早未開門。

先來一杯豆漿

唔同HK，日本豆漿杰杰地，唔會溝好多水，又不會加糖，反而鹹鹹地，好濃豆味。飲完好似好健康。

見到間超市，嘩！好多日本出產生菓買，比出面百貨公司D地庫超市及生果店平好多。阿四仲係念念不忘D巨蜂提子，又走咗去買來吃。我地決定稍後返回酒店一邊執行李一邊吃，好忙。

呢串巨蜂新鮮大粒多汁夠甜，D 皮係爽脆，一定好新鮮，比在大丸買棵串好味好多，只是￥598。

明太子，咁平ge?

oh!鰻魚，miss you，燒得好靚仔。

長腳蟹，流哂口水，又係平到你唔信，可惜今天是最後一日，如果唔係一定買返酒店做宵夜。

呢間「海老大榮」有好多預先包裝靚靚的壽司魚生買，不過價錢唔平，似做遊客生意多。

卒之揾到間好平，近黑門入口處，有間批發店，佢哋都有一份份pack好哂，啱啱開門，D魚生師傅一個負責切，一個packing，好新鮮。

櫃內全部買吞拿魚，想食邊部份都有。

我地揀了黔貴拖羅(食咗兩盒)及吞拿魚肉，平到你唔信，粉紅色盒拖羅￥500一盒
，另一盒才￥430，呢果早餐兩個人吃了 HK$143 拖羅，平到咁！
老板係以批發價出售，所以先咁平，佢仲比埋筷子豉油我地即席開餐，好似拍緊旅遊特輯咁，現場即劏即食。

註: 黑門市場大部份星期日唔開，超市魚生檔平日開約 9:00am- 4:00pm左右，裏面餐廳大部份開11:00am

食完魚生早餐，差不多9:30pm，我地折返心齋橋作最後衝刺---shopping，去咗幾間藥房及化妝品店掃貨

用開的化妝品响HK長期缺貨，呢度居然買齊，唉！￥6000

藥物一大堆（￥15167），好貴！

shopping完返到酒店已11點幾，我地開始執好行李，12點正check out 放低行李响 lobby先，再出去食lunch!

又返到「道頓堀」揾食，我地今日响日本最後一餐食豪D，食「會席料理」！
就係呢間，好出名的「蟹道樂」，來大阪咁多次，終於有時間幫襯(因為食會席料理大約需時個半鐘)，呢度以蟹做成各樣精緻菜色，係「道頓堀」地標。

好日式裝修(塌塌米）

每桌都有一個待應由頭招呼落尾。

個筷子托好得意--蟹！

呢果係盛蟹殻用。

午餐的「會席料理」比晚間便宜，但款式差不多，食午膳抵D。
呢度午餐供應到下午四點ga! 佢哋D會席會分四季而定菜色。
點了兩客share 來吃。

我點了名為「花霞」會席料理￥2500

「花霞」
1. 吸物--碗好靚，係柚子味湯！

2. 蟹肉茶碗蒸-隻碗好靚，似一個桃。

3.凍蟹腳

4.燒蟹腳

5.蟹肉壽司盛合

6.芝士白汁蟹肉飯

阿四點了秋季限定--「紅葉」￥3500

「紅葉」1.吸物--「香の物」，同我碗一樣，好香柚子味。

2.「秋之籠盛」--有蟹肉茶碗蒸、蟹肉燒賣(一粒)、蟹沙律、蟹腳刺身及蟹肉壽司(一件)

蟹肉燒賣--超好味，拍得住香港D燒賣。

3.野菜伴燒蟹腳--隔籬碟醬十個正，好濃蟹膏味。

4.炸蟹腳，好香脆。

5.釜飯--好吃到不得了。

吃剩的飯加入茶便成茶漬飯，又另一風味。

6.綠茶雪糕--有專人即席表現拂綠茶至起泡，然後淋上雪糕上。

無論食物的色香味，環境，服務都做足100分，阿四同我好享受呢餐。

呢生人第一次吃 HK$600 午餐，好奢侈，但咁難得老遠到日本品嚐到咁優質食物是值得的。在HK一定唔會咁做，HK的日本餐廳....唔值得！

lunch 吃了差不多個半鐘，2:00pm要返酒店拿行李去機場，途中又經過「激安之殿堂」，最後衝刺買多幾包Tiramisu朱古力、綠茶、杯麵等做手信。

￥381＋￥138

拖住三喼重重的行李，由酒店行回第一天到着的機場巴士站大樓，本來15分鐘路程變咗半個鐘，好彩我地一早已在酒店上網做咗登機check in ，唔駛咁趕。

個大樓都有幾層，我地搭lift 上買票個層，呢度巴士(Limious bus)唔只去機場，成個日本都有唔同巴土線走勻，好處是唔駛好似JR要轉車，上上落落揾出口哂時間。

阿四研究過去關西機場全程行高速，理應不會塞車，不過我地都預早，搭3:15分開出的班次。