前兩日行咗好多路，今天行程比較輕鬆
早上食咗杯麵做早餐，約差不多 09:30am 才起程往松屋町購物
今日開始用 大阪周遊咭，可以一日來任搭市內地鐵 + 大部分大阪景點包入場費
打算往食玩王國 (繼續尋找re-ment) 及 小柳商店買手信
從地下鐵心齋橋站搭鶴見綠地線 至 松屋町站
呢度除了有玩具買，仲有人形公仔買，特色是呢度多批發商，價錢較平宜，有些似深水埗福榮街
喜愛人形擺設的人不能錯過....
多款煙花很便宜，惜不能帶回 HK!
就係想找這間，跟旅遊書指示找不到，原來搬咗去前面條街
食玩王國-- 地鐵松屋町站 (exit 1) 出口向北行一分鐘便到
廚窗放了許多絕版 re-ment ，問過只 display 不能買，可惜！好彩大部份我已擁有
純黑色雪櫃(special edition) 好想要啊！
想說是呢間買的 re-ment 折咗同 HK 買差不多，還有全是近期 re-ment，沒有散抽，要全盒買。沒有什麼驚喜，HK都買到
呢set 將軍節擺設新出(不是re-ment)，折咗￥2800 full box，諗住唔係平HK好多...好後悔冇買原來 HK 暫未見有得買啊！
還有其他公司出的 cars 情景
扭蛋都有(叠 叠 貓又係絶版嘢)
唔想空手而回，買咗下面 re-ment ，全部約 ￥2619 ( ￥1710 +￥784＋￥125tax)
睇完食玩，再返轉頭同一條街一直向前行，就會見到小柳商店
小柳商店---地鐵松屋町站 (exit 4) 出口向南行3分鐘便到
有多款日本零食全是大包裝以批發價買出，但我又唔覺好平囉！可能要大量購入才 discount 多D !
找到較平的 ￥1000 5 袋(約HK $20 一袋），後尾响酒店附近見到道頓堀果間「激安之殿堂」買得仲平， 真係激氣！
呢包沖繩黑糖糖果 成 1KG 唔駛 HK$100,抬包返HK 派比同事做手信掂呀！
小心買到行李過磅
D 嘢咁重放番回酒店先，因為松屋町一帶係開 10am--5:00pm 左右，仲有係休星期日，基於早關門，朝早去為妙。
從 hotel 行出來見到盞人形街燈，好Q
我地慢動作，差不多下午 1:00才到達 下一景點-- 港灣區 (Bay area)
心齋橋站 乘御堂筋線至本町 ----＞ 轉中央線至大阪港站
這裏就像東京「台場」，有好多嘢玩，我地只得一個下午，玩唔哂咁多，選擇了在天保山 乘搭 Santa Maria + 摩天輪，其實呢度仲有海遊館、海洋時空館等，一天玩唔哂！
好清楚地圖
一出站行10分鐘便看到天保山大摩天輪
再行入去便見到 Market place ，這裏有商店、手信同食肆，好方便。
對面便是海遊館，似海洋館，不過這裏比海洋館大很多，估計要花大半天時間....今天當然沒有時間逛了
乘搭 Santa Maria 就在 market place 隔離
pass 包搭這架遊船 (原來要 ￥1600搭一次，好彩買咗pass,慳唔少！)，注意pass 可搭 至下午 4 時的日船，不可搭夜航啊！
45 mins 周遊港灣區域名勝
我地搭2 pm 船，等船期間「大舊」又要食雪糕
就係呢隻，好靚呀！
今日天氣超好，絶對適宜出海
有紀念章扭呀！
有餐廳
船艙裏是一個小型展示廳
仲有個大舞池，開 party 用
港灣區域
見到我嗎？
對面是「環球影城」，無錯「環球影城」就在 Bay area 裏的
今天是平日兼旅遊淡季，好靜。
玩完船先至lunch....lunch? 下午茶喇，成 3 點至食，無計日本實在太精彩，玩到唔知時間！
Market place 商場內有條橫丁街，其實係美食廣場，有多間有名氣食肆在這裏開分店。
裏面裝修好有昭和年代 feel
呢間食店好過癮，好似小學課室
我地選了這間----＞北極星，出名蛋包飯。係發明蛋包飯始祖，來到一定要try try!
有多款選擇。
選了牛肉蛋包飯，賣相 ok,蛋皮好滑，可惜牛肉太 "un" ，D 汁似一般茄汁味，沒有大驚喜。
全店得我地兩條友，莫非阿四包咗場？
經過間章魚燒，主打元祖味，￥520 12 粒，平過响「心齋橋」食，又來一客！
元祖味，係全走木魚碎、醬汁沙律醬等topping，好清的，制作過程只加入豉油調味，出奇地好好味。
好足料喎！
食飽飽4:00pm後走去玩大摩天輪，全摩天輪得兩個全透明車廂，好彩冇乜人玩我地只排了15 minutes便坐到透明車廂，正！
轉一圈要 15 minutes，咁快太陽落山了。
成 4:30pm 跟住搭地鐵去 大阪鶴見 outlet血拼
(地鐡乘長崛鶴見綠地線--＞門真南站(exit 3 )walk)
今次比本天書累事，本書畫錯地圖，累到我地反方向行，最慘入黑，睇唔到路牌。越行越唔對路，好彩中途向當地人問路，雞同鴨講卒之搞清楚點行！
原來出咗地鐵會見到呢果 UFO 奇景，繞過這果向前行 5 mins 便到 outlet!
你地估吓呢果 UFO 奇景係乜東東？
卒之到咗，感恩。最慘迷路我地花了時間找尋，到達 outlet 已差不多 6:3pm點，outlet 收 8pm,，我地只有個半鐘shopping,好趕！
認住呢個傘頂！係 「鶴見outlet」特色
冇乜人
地方不大，共 3 層約有 50多間店-- 無印良品、seiko、G-shock、lowrys farm、
timberland、adidas、columbia、reebok、nike、edwin、on the couch、mont-bell、bebe、in the groove、abc mart、quiksilver、levis等大品牌都有，夠行了。
冇乜時間仔細咁行，我沒有收獲，反而阿四買到件 nike T shirt ￥500 + vans 布鞋 ￥2900--對鞋比出面買平了成￥1000，乜都抵返哂！
血拼完搭車返酒店休息吓先，途中又見到人形街燈，亮燈了！
09:30pm吃 dinner(宵夜就真)--今晚食燒肉放題，呢間 「六甲燒肉」原來好多HK遊客幫襯，老板娘說得一口流利英語，好熱心招待我們，讚！
位於東心齋橋 (地鐵御堂筋線至心齋橋站下車，exit 6 道頓堀方向行 5 minutes)
三款不同組合任吃兩小時
我地揀咗 A plan ，有12種肉
第一碟先來哂大部份，因為有D 內臟我們不吃。跟住可以隨意加添喜歡吃的肉。吃到飽為止。
薯仔沙律，正！
正宗日式綱燒，D 日本香腸超好味，响HK 買得頗貴，呢度任食！
我地有couple除了有杯飲品送，吃完靚女侍應還奉上一碗香甜粟米湯，仲教我日語粟米點講。"toumorokoshi"
乜粟米水可以清熱氣？
食到晚11:30pm，飽到要散散步，好彩酒店附近有間「激安之殿堂」，開到零晨五點鐘，樓高7層有好多嘢買，價錢好平(日語「激安」解便宜)。
呢度電器、化妝品、衫褲鞋襪、食品飲品乜都有，零食食品比松屋町果邊D批發店更平，深夜都可以繼續shopping!
心齋橋有 24 小時書店(tsutaya,蟹道樂對面)及「激安之殿堂」，就係因為咁先至選酒店住呢附近，買嘢好方便。
我地行到 零晨1:00am太眼瞓返酒店休息。
沒有留言:
張貼留言